სამხატვრო აკადემიის სტუდენტები აკადემიის რექტორად გია გუგუშვილის არჩვას აპროტესტებენ და შედეგების გაბათილებას ითხოვენ.
აკადემიის შესასვლელთან შეკრებილი სტუდენტების უკმაყოფილება არჩევნების დაგეგმილზე 2 საათით ადრე ჩატარებამაც გამოიწვია. როგორც ისინი აცხადებენ აკადემიურმა საბჭომ ეს გადაწყვეტილება უკმაყოფილო სტუდენტების მხრიდან მოსალოდნელი პროტესტის გამო მიიღო.
ცნობილია, რომ აკადემიის სტუდენტები მხარს გია ეძგვერაძეს უჭერდნენ, რომელსაც აკადემიურმა საბჭომ აკადემიის რექტორობის კანდიდატად რეგისტრაციაზე უარი, აკადემიის დებულებაში შესული ცვლილების საფუძველზე უთხრა.
სამხატვრო აკადემიასთან მიმდინარე აქციაზე ასევე იმყოფება აკადემიის ყოფილი რექტორი ლუიზა ლაფერაძე.
შეგახსენებთ, სამხატვრო აკადემიის რექტობისთვის 2 კანდიდატი, გია გუგუშვილი და ნანა იაშვილი იბრძოდნენ. გია გუგუშვილის კანდიდატურას მხარი აკადემიური საბჭოს 10 წევრიდან 8 დაუჭირა.