სვეტიცხოვლობის დღესასწაულთან დაკავშირებით, თბილისი-მცხეთა-თბილისის მიმართულებით მატარებელი უფასოდ იმოძრავებს.
თბილისის ცენტრალური ვაგზლიდან მატარებლები გავა შემდეგი განრიგით: 09.05 სთ, 11.00 სთ, 13.00 სთ, 16.00 სთ, 17.30 სთ და 20.00 სთ. ხოლო მცხეთიდან თბილისის მიმართულებით მატარებლები დაბრუნდება შემდეგი განრიგის შესაბამისად: 09.50 სთ, 11.45 სთ, 13.45 სთ, 16.45 სთ, 18.15 სთ და 21.00 სთ.
შეგახსენებთ, რომ მართლმადიდებელი ეკლესია სვეტიცხოვლობას აღნიშნავს. მცხეთობა, სვეტიცხოვლობა, კვართის დღესასწაული არის ქრისტიანული დღესასწაული საქართველოში, რომელიც იმართება ქ. მცხეთის საკათედრო ტაძარში, სვეტიცხოველში.
სვეტიცხოვლობა დაწესებულია საქართველოს მართლმადიდებელი ეკლესიის მიერ სადიდებლად "კვართისა საუფლოისა და სვეტისა ღმრთივბრწყინვალისა და მირონმდინარისა". ამ დღეს აღინიშნება მეფე მირიანისა და დედოფალ ნანას, წმინდა სიდონიასა და აბიათარის ხსენებაც.
