10 ოქტომბერს, ცენტრალურმა საარჩევნო კომისიამ შეზღუდული შესაძლებლობების მქონე (შშმ) ახალგაზრდების ცესკოს კონტაქტ-ცენტრში დასაქმებისთვის მადლობის სიგელი მიიღო. ცესკო შერჩეულ იქნა საუკეთესო საჯარო ინსტიტუციად, სადაც შშმ პირების საქმიანობის ხელშეწყობა ხორციელდება. მადლობის სიგელი საარჩევნო ადმინისტრაციას შერატონ მეტეხი პალასში გამართულ შეხვედრაზე გადასცეს, სადაც ჩეხეთის მთავრობის, ჩეხეთის რესპუბლიკის კარიტასისა და საქართველოს კარიტასის თანამშრომლობით განხორციელებული პროექტის პრეზენტაცია გაიმართა. პროექტის ,,შეზღუდული შესაძლებლობის მქონე ადამიანები - საზოგადოების განუყოფელი და პატივსაცემი ნაწილი'' ძირითადი მიზანი იყო შშმ პირთა ინტეგრაცია, მათი დისკრიმინაციისა და სოციალური იზოლაციის აღმოფხვრა დასაქმების გზით. შეხვედრას, ცენტრალური საარჩევნო კომისიის თავმჯდომარის მოადგილე, გიორგი შარაბიძე დაესწრო.
შშმ პირთა დასაქმებას ცენტრალური საარჩევნო კომისია 2012 წლიდან ახორციელებს. საარჩევნო ადმინისტრაცია მნიშვნელოვნად მიიჩნევს შშმ პირთა დასაქმების პრაქტიკა მომავალშიც გააგრძელოს.
