საქართველოს სასტუმროებისა და რესტორნების ფედერაციამ, თბილისში არსებული სასტუმროებისა და რესტორნების წარმომადგენლებთან შეხვედრა გამართა. საქართველოს სავაჭრო სამრეწველო პალატაში გამართულ შეხვედრას თბილისის ვიცე-მერი ალექსანდრე მარგიშვილი ეკონომიკისა და მდგრადი განვითარების სამინისტროს, ტურიზმის ეროვნული ცენტრისა და მსოფლიო ბანკის წარმომადგენლები დაესწრნენ. შეხვედრაზე, სასტუმროებსა და რესტორნებში მომსახურების მხრივ არსებული ვითარება, გამოცდილება და შესაძლებლობები განიხილეს.
