დღეს თბილისის მუნიციპალიტეტის საკრებულოში გარემოს დაცვის კომისიაზე სხვა საკითხებთან ერთად საკანონმდებლო ორგანოს დამოუკიდებელი დეპუტატის, ალეკო ელისაშვილის სახელზე შემოსულ წერილზე იმსჯელეს.
საქმე ეხება ვაკის რაიონში არსებულ უპატრონო ძაღლების თავშესაფარს, რომელიც დასახლებულ ადგილზე მდებარეობს. წერილში საუბარია ეკოლოგიურ საშიშროებაზე და სიცოცხლისათვის საფრთხის შემცველ ფაქტორებზე. კომისიის თავმჯდომარის, შორენა ბუხრაშვილის თქმით, მოქალაქეები წუხილს გამოთქვამენ შექმნილი ვითარების გამო.
„იქიდან გამომდინარე, რომ თავშესაფარი კერძო საკუთრებაშია და კანონი არ არეგულირებს ასეთ საკითხებს, თემა საკმაოდ რთულია. თუმცა, ჩვენ ყველა ღონეს ვიხმართ აღნიშნული პრობლემის მოგვარების მიზნით"-აცხადებს შორენა ბუხრაშვილი. აღსანიშნავია, რომ დღეს საქართველოს პარლამენტში თბილისის მუნიციპალიტეტის საკრებულოს გარემოს დაცვის კომისიის ანგარიშს მოისმენენ, სადაც კომისია სხვა საკითხებთან ერთად, ზემოთაღნიშნულ საკითხსაც დააყენებს.
მასალის გამოყენების პირობები
