კათოლიკოს-პატრიარქი მახათას მთაზე მშენებარე ივერიის ყოვლადწმინდა ღვთისმშობლის სახელობის ტაძარში, ივერიის ყოვლადწმინდა ღვთისმშობლის ხატის ასლის საქართველოში ჩამობრძანებიდან 25 წელისთავთან დაკავშირებით, პარაკლისს აღავლენს.
პარაკლისს პრემიერ-მინისტრი ირაკლი ღარიბაშვილი, მთავრობის წევრები, დედაქალაქის მერი, მისი მოადგილე და საკრებულოს თავმჯდომარე ესწრებიან.
პარაკლისის დაწყებამდე უწმინდესმა წირვა აღავლინა, რომლის შემდეგაც, მრევლს ქადაგებით მიმართა. პატრიარქმა ქადაგებისას ყოვლადწმინდა ღვთისმშობლის ხატის ისტორია გაიხსენა და ღვთისმშობლის წინაშე წყალობისთვის სამადლობელი აღავლინა.
"მადლობა ყოვალდწმინდაო ღვთისმშობელო, შენი დიდი მფარველობისთვის, შენი დიდი წყალობისთვის. მიუხედავად ჩვენი ცოდვებისა, ღირსი გაგვხადე ჩვენ სასუფევლისა. გმადლობთ შენ ყოვლადწმინდაო ღვთისმშობელო, რომ ქართველი ხალხი აშენებს თავის სულიერ ტაძარს და მასთან ერთად მატერიალურ ტაძარს", - ბრძანა ილია მეორემ.
მასალის გამოყენების პირობები