პირველი კომისიის თავმჯდომარეს თამარ ტალიაშვილს ბავშვთა ბაღების მუსიკის მასწავლებლებმა გაუგზავნეს. "მუსიკის მასწავლებელი პროგრამაში აღმზრდელად მოიხსენიება და ბევრ ბაღში 10-12 ჯგუფთან მუშაობს, რომელიც მას ერთ განაკვეთად ეთვლება. ასეთ დატვირთვას ვერცერთი პედაგოგი ვერ გაუძლებს, თუ საქმის სიყვარულსა და მოვალეობის შესრულებაზეა ლაპარაკი. არანორმირებული დატვირთვიდან ზერელობამდე კი, მოგეხსენებათ ერთი ნაბიჯია",-ნათქვამია წერილში.

კომისიის თავმჯდომარემ თამარ ტალიაშვილმა და კომისიის წევრებმა წერილში აღნიშნული მდგომარეობის შესასწავლად და პასუხის მისაღებად კომისიის მორიგ სხდომაზე ბაღების სააგენტოს უფროსი მიიწვიეს.
რაც შეეხება მეორე წერილს, იგი საქართველოს ქალთა სამომოქალაქო მოძრაობის "თამარიონი'' შუამავლობით ასევე კომისიის თავმჯდომარეს თამარ ტალიაშვილს გადმოეგზავნა.

მათი ინფორმაციით, მიმდინარე წლის 28 სექტემბერს ახალქალაქის მუნიციპალიტეტის სოფელ ბავრის საჯარო სკოლის დირექტორმა , შორინიანმა ფონდს წარმოუდგინა მათთვის სასურველი ლიტერატურისა და თვალსაჩინოებების ჩამონათვალი.იმდენად, რამდენადაც აღნიშნული პრობლემა ეთნიკურ უმცირესობებთან მიმართებით საქართველოს სახელმწიფო პოლიტიკის პრიორიტეტების თვალსაზრისით მეტად აქტუალურია, "თამარიონის'' წარმომადგენლებმა იმედი გამოთქვეს, რომ საკრებულოს განათლებისა და კულტურის კომისიის ხელშეწყობით, შესაძლებელი იქნება, ქ. თბილისის სასკოლო საბიბლიოთეკო და საბავშვო ბიბლიოთეკის ქსელიდან ახალქალაქის მუნიციპალიტეტის სოფელ ბავრის სომხური საჯარო სკოლის ბიბლიოთეკის უსასყიდლოდ შესავსებად გამოიძებნოს საშუალება.

ამასთან დაკავშირებით დეპუტატებმა მიიღეს გადაწყვეტილება, ეთხოვის დედაქალაქის მერიას უზრუნველყოს მათ დაქვემდებარებაში არსებული ბიბლიოთეკებიდან, შესაძლებლობის ფარგლებში, სოფელ ბავრის სომხური საჯარო სკოლის ბიბლიოთეკის წიგნებით მომარაგება. წერილის განხილვისას საკრებულოს თავმჯდომარემ, გიორგი ალიბეგაშვილმა საკუთარი ინიციატივა წარმოადგინა, რომლის თანახმად, როგორც საკრებულოს დეპუტატები, ასევე აპარატის თანამშრომლები თავის მხრივ შეიძენენ საჭირო ლიტერატურას და და აღნიშნულ სკოლას უსასყიდლოდ გადასცემენ.