დღეს დილით ცხინვალში მდინარე ლიახვში ქალი დაიხრჩო. თვითმხილველთა თქმით, ტრაგედია მეუღლეთა ოჯახური კონფლიქტის შედეგად დატრიალდა, რომლებიც ცხინვალის რეგიონში სომხეთიდან იყვნენ ჩასულნი.
"ქალი გადახტა მდინარეში, მის კვალდაკვალ წყალში გადახტა მამაკაცი, რომელიც მეუღლის გადარჩენას ცდილობდა. შედეგად ქალი წყალმა წაიღო. თვითმხილველებმა მხოლოდ მამაკაცის გადარჩენა მოახერხეს",_ იუწყება ოსური მედია.
მათივე ინფორმაციით, მამაკაც ამჟამად ჰოსპიტალიზებულია და მისი მდგომარეობა დამაკმაყოფილებელია.
"ქალის ცხედარი ჯერ ნაპოვნი არ არის. მეშველები მის ძებნას აგრძელებენ",_ იუწყება ე.წ. სამხრეთ ოსეთის ბეჭდვისადა ინფორმაციის კომიტეტი.
