თბილისის მუნიციპალიტეტის საკრებულოში ურბანული დაგეგმარებისა და საქალაქო მეურნეობის კომისიის სხდომა გაიმართა, სადაც თბილისის განვითარების ფონდმა საქმიანობის ანგარიში წარადგინა. შეხვედრა ინფორმაციულ ხასიათს ატარებდა. თბილისის განვითარების ფონდის ხელმძღვანელმა საკრებულოს ფონდის საქმიანობის რამდენიმე ძირითადი მიმართულება წარუდგინა. ესენია: შრომითი რესურსების კუთხით ფონდში არსებული მდგომარეობა, წინა მენეჯმენტის მიერ თანხების არამიზნობრივი ხარჯვა, უკანონო მშენებლობები, უძრავი ქონების ინვენტარიზაციის პრობლემები და პროექტების განხორციელებისას გამოვლენილი ფინანსური დარღვევები.
ფონდის ხელმძღვანელმა თემურ ხომერიკმა საკრებულოს დეპუტატებს ფონდის სამომავლო გეგმები გააცნო და აღნიშნა, რომ თბილისის განვითარების ფონდის მიერ პროექტების განხორცილელება მერიის მოთხოვნების შესაბამისად მოხდება.
ურბანულ კომისიას გავაცანით ის 7 მიმართულება, რაზეც ფონდი ძირითადად იმუშავებს. ეს არის 5 ქუჩაზე დაწყებული სარეაბილიტაციო სამუშაოების დასრულება, რომელიც თუ არ განვახორციელეთ, ფაქტობრივად, ძველი თბილისი აღარ გვექნება და 2 ქუჩაზე - ასათიანისა და დიუმას ქუჩებზე სანიაღვრე არხებისა და დრენაჟის სისტემების მოწესრიგება, - განაცხადა ფონდის ხელმძღვანელმა, თემურ ხომერიკმა. შეხვედრა საკრებულოში კითხვა-პასუხის რეჟიმში წარმიმართა.
