,,ასავალ-დასავალის" ჟურნალისტი ზაზა დავითაია საგანგებო განცხადებას ავრცელებს, სადაც განმარტებულია, რომ ,,ნაცმოძრაობის" მხრიდან მის წინააღმდეგ დაიძრა დეზინფორმაციის კასკადი, რომელსაც სათავეში გიგა ბოკერია ჩაუდგა. როგორც დავითაიამ ,,ჯი-ეიჩ-ენს" აცნობა გადაცემა ,,P.S" ამზადებს მის წინააღმდეგ გადაცემას, რომლის მიზანი იქნება დავითაიას სახელმწიფოს მტრად წარმოჩენა.
,,ჩემთვის ცნობილი გახდა, რომ ,,ნაცმოძრაობის" მხრიდან ჩემს წინააღმდეგ დაიძრა დეზინფორმაციის კასკადი, რომელსაც სათავეში ჩაუდგა გიგა ბოკერია. სარწმუნო წყარომ მომაწოდა ინფორმაცია მათი უახლოესი გეგმების შესახებ, რაც გულისხმობს, მათ მიერ კონტროლირებადი ელექტრონული მედიისა და ტელევიზიების საშუალებით ფართოდ გაშალონ ცილისმწამებლური კამპანია ჩემს წიანააღმდეგ. კერძოდ, გადაცემა ,, P.S" ამზადებს ცილისმწამებლურ გადაცემას ჩემს წინააღმდეგ, სადაც ცალმხრივად იქნება გაშუქებული ჩემი საქმიანობა, რაც მზიანად ისახავს ჩემს დისკრედიტაციას, ჩემი მსოფლმხედველური პოზიციებს გაყალბებს და საქართველოს სახელმწიფო მტრად ჩემს წარმოჩენას. Aახლახანს მიღებული მძიმე ტრამვისა და ჯანმრთელობის მდგომარეობის მიუხედავად ვაცხადებ მზადყოფნას ნებისმიერ ასეთ გადაცემაში მივიღო მონაწილეობა, სადაც წარმოვაჩენ ობიექტურ სიმართლეს. იმ შემთხვევაში თუ კონკრეტული მედიასაშუალები, ჩემი პოზიციის გარეშე, ცალმხრივად გააშუქებენ ჩემს საქმიანობას, უფლებას ვიტოვებ ისინი თავად ვამხილო დეზინფორმაციაში და საქართველოს სახელმწიფოს მტრობაში", _აცხადებს დავითაია.
შეგახსენებთ, რომ რამდენიმე დღის წინ ჟურნალისტი ზაზა დავითაიას "თავისუფალი ზონის" წარმომადგენლები დაესხნენ. აღნიშნულთან დაკავშირებით შინაგან საქმეთა სამინისტროს თანამშრომლებმა ორი პირი დააკავეს.
ზაზა დავითაიას ცემის ფაქტზე გამოძიება მიმდინარეობს ჯგუფურად ჩადენილი ხულიგნობის ფაქტზე (საქართველოს სსკ-ს 239-ე მუხლის მე-2 ნაწილის „ა" ქვეპუნქტით).
