5 ოქტომბერს, 13 საათზე, საქართველოს პედაგოგთა და მეცნიერთა თავისუფალი პროფკავშირი მასწავლებელთა საერთაშორისო დღეს ქართველ პედაგოგებს მოსწავლე ახალგაზრდობის სასახლიდან მიულოცავს.
2014 წლის 5 ოქტომბრის ღონისძიებას ლაიტმოტივად გასდევს ,,მასწავლებელი - წარმატებული მომავლისათვის". მოწვეული სტუმრებისა და თბილისის პედაგოგებისთვის წარმოდგენილი იქნება საზოგადოების ცნობილი სახეების მოგონებები იმ პედაგოგების შესახებ, რომელთაც განსაკუთრებული წვლილი შეიტანეს მათ წარმატებებსა და ღირსეულ მოქალაქედ ჩამოყალიბებაში.
ვიდეო რგოლში მონაწილეობდნენ: კახი კავსაძე, ეკა მამალაძე, ნატო მეტონიძე, მაია ბარათაშვილი, ეკა მიშველაძე, ლელი ბლაგონრავოვა, ირინა ფრუიძე, დავით ველიჯანაშვილი , თამთა დემურიშვილი , ნანა ჩაჩუა, ნოდარ ტაბიძე, ნუცა კოპალიანი.
გასულ წელს პედაგოგთა და მეცნიერთა თავისუფალმა პროფკავშირმა, როგორც მასოფლიო მასწავლებელთა გაერთიანების ,,განათლების ინტერნაციონალის" წევრმა ორგანიზაციამ საქართველოში დაიწყო გლობალური კამპანია ,,გავერთიანდთ ხარისხიანი განათლებისათვის- ხარისხიანი განათლება უკეთესი მომავლისათვის", რომლის მიზანია დაცული იყოს პედაგოგთა უფლებები, რათა ყველა ბავშვისათვის ხელმისაწვდომი იყოს ხარისხიანი განათლების მიღება.
