ქართულ-ინტერნაციონალური სამედიცინო და საზოგადოებრივი ჯანდაცვის ასოციაციის (GIMPHA) ორგანიზებითა და "სამედიცინო კორპორაცია ევექსის" (ოქროს სპონსორი) მხარდაჭერით 3-4 ოქტომბერს თბილისში საერთაშორისო სამედიცინო კონფერენცია ჩატარდება.
აღნიშნული ღონისძიება ხელს შეუწყობს საზღვარგარეთ მოღვაწე ქართული და უცხოელი სამედიცინო საზოგადოების გამოცდილების გაზიარებას და პარტნიორული თანამშრომლობის განვითარებას საქართველოს ჯანდაცვის სფეროში.
კონფერენციას გახსნის ქართულ-ინტერნაციონალური სამედიცინო და საზოგადოებრივი ჯანდაცვის ასოციაციის პრეზიდენტი ალექსი ბაიდოშვილი. ღონისძიებას დაესწრებიან ევროპაში მოღვაწე ქართველი ექიმები და უცხოელი სპეციალისტები, სამედიცინო სასწავლო დაწესებულების პროფესორები, საქართველოს სამედიცინო ასოციაციები, ჯანდაცვის სამინისტროს წარმომადგენლები, დიასპორის საკითხებში საქართველოს სახელმწიფო მინისტრის აპარატი და ჰოლანდიის საელჩო საქართველოში.
აღნიშნული კონფერენციის ოქროს სპონსორია „სამედიცინო კორპორაცია ევექსი" ყველაზე მსხვილი ჰოსპიტალური ქსელი საქართველოში.
