"ასავალ-დასავალის" ჟურნალისტ ზაზა დავითაიას ცემის გამო "თავისუფალი ზონის" და "თავისუფალი თაობის" წარმომადგენლებს შორის ფიზიკური დაპირისპირება მოხდა. "თავისუფალი ზონის" წარმომადგენლები "თავისუფალი თაობის" წარმომადგენლებს მათ ოფისზე თავდასხმაში ადანაშაულებენ.
"თავისუფალი თაობის" წარმომადგენლების განცხადებით, ისინი "თავისუფალი ზონის" ოფისთან დავითაიას ცემის გამო შეიკრიბნენ, რა დროსაც მათ "თავისუფალი ზონის" წევრებმა ფიზიკური შეურაცხყოფა მიაყენეს.
"თავისუფალი ზონის" წევრებიი ინფორმაციით, "თავისუფალი თაობის" 50-მდე წარმომადგენელი ოფისში შეიჭრა და ამას მოჰყვა დაპირისპირება.
ფიზიკური დაპირისპირების დროს რამდენიმე პირი დაშავდა, მათ შორის "თავისუფალი ზონის" ხელმძღვანელი კობა ხაბაზი. ჩხუბის დროს ჩაიმსხვრა მინები, რაშიც დაპირისპირებული მხარეები ერთმანეთს ადანაშაულებენ.როგორც კობა ხაბაზმა განაცხადა, შინაგან საქმეთა სამინისტრო წინასწარ ჩააყენეს საქმის კურსში, რომ თავდასხმა იგეგმებოდა.
"თავისუფალი ზონის" ოფისთან რამდენიმე საპატრულო ეკიპაჟი იყო მობილიზებული. დაპირისპირების დროს პოლიციამ რამდენიმე პირი დააკავა.
"თავისუფალი ზონის" ოფისთან დაპირისპირებამდე, გაზეთ "ასავალ-დასავალის" ჟურნალისტ ზაზა დავითაიას ცემის ფაქტთან დაკავშირებით სამართალდამცველებმა "თავისუფალი ზონის" წევრი ფარნაოზ ჭკადუა დააკავეს.
