1 ოქტომბერს ევექსის სასწავლო ცენტრში იწყება ექთნების გადამზადების გრძელვადიანი პროგრამა, რომელიც გულისხმობს ექთნების კვალიფიკაციის ასამაღლებელ უფასო კურსებს და დასაქმების რეალურ შანსს „სამედიცინო კორპორაცია ევექსის" ქსელში. ტრენინგები ჩაუტარდებათ საექთნო სასწავლებლების დამთავრებულ და დამამთავრებელ სტუდენტებს.
ექთნების გადამზადების პირველი გრძელვადიანი პროგრამა საქართველოში „სამედიცინო კორპორაცია ევექსის" ორგანიზებით ხორციელდება, რომელიც მიზნად ისახავს საქართველოს მასშტაბით 100-მდე კანდიდატისთვის კვალიფიკაციის ამაღლების მიზნით თეორიული და პრაქტიკული სწავლების ჩატარებას. კონკურსანტებს ლექციებს დაუფინანსებს „სამედიცინო კოპორაცია ევექსი".