1-ელ ოქტომბერს, 17:00 სთ, გ. ნიკოლაძის სახელობის მცირე სააქტო დარბაზში (საქართველოს ტექნიკური უნივერსიტეტის ადმინისტრაციული კორპუსი) ჩატარდება სტუ-ს „ვენჩურული ბიზნესის ცენტრის (VBC)" სასერტიფიკატო/ტრენინგ კურსების პრეზენტაცია: ფორექსი (FOREX) ელექტრონული ბიზნესი საერთაშორისო საფინანსო ბაზრებზე. დასწრება თავისუფალია.
საქართველოს ტექნიკურ უნივერსიტეტთან არსებული „ვენჩურული ბიზნესის სასწავლო-სამეცნიერო ცენტრი" (e-mail: venture.business@gtu.ge) აცხადებს ნებისმიერი პროფესიის მსმენელთა (18 წლის ასაკიდან) მიღებას ფორექსის (FOREX) ტრენინგკურსისა და სასერტიფიკატო კურსის გასავლელად. ტრენინგკურსი არის 5 დღიანი (დღეში 1 სთ), ხოლო სასერტიფიკატო კურსი - 24-საათიანი (ერთი თვის ხანგრძლივობით, კვირაში 3-ჯერ, 2-2- საათი).
ტრენინგკურსი მოიცავს ფორექსის საფუძვლებს (მცირე პროგრამას): სავალუტო ბაზრის საფუძვლები; სავაჭრო ტერმინალის საფუძვლები; ტექნიკური ანალიზის საფუძვლები; ფუნდამენტური ანალიზი; გადადებული ორდერები.
სასერტიფიკატო კურსი მოიცავს ფორექსის შედარებით ფართო პროგრამას: ბაზრების ტექნიკური ანალიზი; ფასის მოძრაობის ტენდენცია (ტრენდი); მხარდაჭერის და წინააღმდეგობის ხაზები; ტექნიკური ფიგურები; იაპონური სანთლების ტიპები; ორდერის გახსნა; ფუნდამენტური ანალიზი; მაკროეკონომიკური მაჩვენებლების ანალიზი; საფონდო ბაზრების ფსიქოლოგიური ანალიზი.
კურსის წარმატებით ათვისების შემდეგ მსმენელებს პრაქტიკულად შეეძლებათ ელექტრონული ბიზნესის წარმოება საერთაშორისო საფონდო და სავალუტო ბაზრებზე.
დასკვნით გამოცდაზე (როგორც ტრენინგკურსზე, ასევე სასერტიფიკატო კურსზე) ტესტირების 50 ტესტიდან 38 ტესტის წარმატებით ჩაბარების შემთხვევაში მსმენელებს გადაეცემათ უნივერსიტეტის ორენოვანი (ქართულ-ინგლისური) სერტიფიკატი.
კურსის ღირებულება შეადგენს:ტრენინგკურსზე - 100 ლარი; სასერტიფიკატო კურსზე - 180 ლარი ( იხ.: http://gtu.ge/News/3577/ )
