საქართველოში მომდევნო დღეების განმავლობაში არამდგრადი ამინდი შენარჩუნდება და ტემპერატურაც დაიკლებს. როგორც ,,ჯი-ეიჩ-ენთან" საუბარში გარემოს ეროვნული სააგენტოს სინოპტიკოსმა დოდო გვაზავამ განაცხადა ხვალ, 30 სექტემბრიდან წვიმის ინტენსიობა შედარებით შემცირდება.
,,დღეს წვიმიანი ამინდი დასავლეთ საქართველოს უმეტეს რაიონში შენარჩუნდება, ზოგან ძლიერი, ხოლო აღმოსავლეთ საქართველოს ზოგიერთ რაიონში ასევე ველოდებით წვიმას, მოსალოდნელია დასავლეთის ქარიც. ხვალ, 30 სექტემბრიდან კი წვიმა საქართველოს ზოგიერთ რაიონშია მოსალოდნელი", _განაცხადა გვაზავამ.
მისივე განმარტებით, მომდევნო დღეებში ტემპერატურაც დაიკლებს.
,,დღეს ველოდებით, ჰაერის ტემპერატურის ხუთი გრადუსით დაკლებას. Aამიტომ დასავლეთ საქართველოში დღის მაქსიმალური ტემპერატურა მომდევნო დღეების განმავლობაში 17-19 გრადუსამდე შენარჩუნდება, აღმოსავლეთ საქართველოში კი 20-23 გრადუსამდე", _აცხადებს გვაზავა ,,ჯი-ეიჩ-ენთან" საუბარში.
გვაზავს თქმით, თბილისში უმეტესად უნალექო ამინდია მოსალოდნელი, თუმცა იქროლებს დასავლეთის მიმართულების ქარი და ტემპერატურა 20-23 გრადუსამდე შენარჩუნდება.
