ოზურგეთის სამედიცინო ცენტრში ორი ახალშობილი დაიღუპა. ამ დროისთვის სამედიცინო ცენტრში მშობიარეების თინა ჩარკვიანის და ლეილა ჟღენტის ოჯახის წევრები არიან შეკრებილები.
ისინი ექიმსა და მედპერსონალს დაუდევრობაში ადანაშაულებენ და მათ დასჯას ითხოვენ.
სამედიცინო ცენტრში მობილიზებულია ოზურგეთის პოლიციაც.
19 წლის თინა ჩარკვიანის საკეისრო კვეთა საავადმყოფოში გუშინ ჩაუტარდა, თუმცა მედპერსონალმა ბავშვის გადარჩენა ვერ შეძლეს. რაც შეეხება 38 წლის ლეილა ჟღენტს ბავშვი დღეს დილით შეეძინა, თუმცა ახალშობილი მშობიარობიდან რამდენიმე საათში დაიღუპა.
ცხედარს ამ დროისთვის ბათუმის ექსპერტიზის ბიუროში გარდაცვალების მიზეზის დასადგენად ექსპერტიზა უტარდება.
ორივე შემთხვევაში გინეკოლოგი ერთი და იგივე იყო.