თბილისის მერიიდან 2014 წლის 1 აგვისტოდან 7 სექტემბრის ჩათვლით155 ადამიანი გათავისუფლდა. ამის შესახებ, ნათქვამია "სამართლიანი არჩევნებისა და დემოკრატიის საერთაშორისო საზოგადოების" მიერ გავრცელებულ ინფორმაციაში, რომელიც მერიიდან გამოითხოვა.
ორგანიზაციის ცნობით, "სამართლიანი არჩევნებისა და დემოკრატიის საერთაშორისო საზოგადოებამ" 2014 წლის 8 სექტემბერს ქ. თბილისის მერიიდან 2014 წლის 1 აგვისტოდან 2014 წლის 7 სექტემბრის ჩათვლით მერიისადმი დაქვემდებარებული სამსახურებიდან გათავისუფლებულ პირთა შესახებ ინფორმაცია გამოითხოვა.
მოწოდებული ინფორმაციის მიხედვით, 2014 წლის 1 აგვისტოდან 7 სექტემბრის ჩათვლით ქ. თბილისის მერიიდან სულ გათავისუფლდა 155 ადამიანი. აქედან, პირადი განცხადების საფუძველზე - 115; ვადის გასვლის გამო - 32; დისციპლინური პასუხისმგებლობის გამო - 5; სხვა საფუძვლით - 3.
პირადი განცხადების საფუძველზე გათავისუფლებული 115 პირისგან ქ. თბილისის მუნიციპალიტეტის მერიის უსაფრთხოების საქალაქო სამსახურიდან გათავისუფლდა - 46 პირი; ქ. თბილისის მუნიციპალიტეტის მერიის ადმინისტრაციისგან - 34 პირი; ქ. თბილისის მუნიციპალიტეტის მერიის ზედამხედველობის საქალაქო სამსახური - 9 პირი; ქ. თბილისის მუნიციპალიტეტის სხვა სამსახურებიგან - 26 პირი.
"სამართლიანი არჩევნებისა და დემოკრატიის საერთაშორისო საზოგადოების" ცნობით, პირადი განცხადების საფუძველზე გათავისუფლებულ პირებს შორის არიან საქალაქო სამსახურის/განყოფილების უფროსები, საქალაქო სამსახურის/განყოფილების უფროსის მოადგილეები, საქალაქო სამსახურის მთავარი და წამყვანი სპეციალისტები, საქალაქო სამსახურის აპარატის უფროსები, მერის აპარატის უფროსები, შტატგარეშე მოსამსახურეები, მერიის ადმინისტრაციის უფროსი, მერიის ადმინისტრაციის უფროსის მოადგილეები და სხვა.
აღსანიშნავია, რომ მერიამ გათავისუფლებული პირების სახელები და გვარები პერსონალურ მონაცემებად მიიჩნია და ეს ინფორმაცია არ მიაწოდა ორგანიზაციას. გარდა ქ. თბილისის მუნიციპალიტეტის მერიის რაიონების ყოფილი გამგებლებისა.
s
