25 სექტემბერს ებრაული თემი როშ ჰაშანას - ახალი წლის დადგომის ზეიმს იწყებს. საქართველოს სახალხო დამცველი ულოცავს საქართველოში მცხოვრებ ებრაულ თემს ამ დღესასწაულს და ბედნიერ როშ ჰაშანას დღეებს უსურვებს.
იუდაური ტრადიციის მიხედვით, ამ დღეებში ფასდება ადამიანის განვლილი წელი და განისაზღვრება მისი მომავალი. გავრცელებული ჩვეულებაა ახალი წლის წინა დღეს ერთმანეთისათვის მისალოცი ბარათების გაგზავნა. ამ დღეებში ებრაელები ერთმანეთს უსურვებენ „გმარ ხათიმა ტოვას" - ზეციური „ცხოვრების წიგნში" საბოლოოდ ბედნიერად ჩაწერას.