26 სექტემბერს თბილისის მთავრობა, სერვისის მომწოდებელ კომპანიებთან პარასკევის ტრადიციული შეხვედრის ფორმატში, დედაქალაქში მუნიციპალური ტრანსპორტთან დაკავშირებით არსებულ საკითხებზე იმსჯელებს. თბილისის მერსა და მთავრობის წევრებს ინფორმაციას სატრანსპორტო კომპანიის ხელმძღვანელი, სანდრო ჯაფარიძე და ტრანსპორტის საქალაქო სამსახურის ხელმძღვანელი, პაატა ჯაჭვლიანი წარუდგენენ. მთავრობის წევრები, ასევე, მუნიციპალური ტრანსპორტის კუთხით დაგეგმილ რეფორმებზე იმსჯელებენ.
პარასკევის ტრადიციული შეხვედრების ფორმატში თბილისის მთავრობამ უკვე მოისმინა თბილისის სერვისის მიმწოდებელი კომპანების - outdoor.ge-ს „GWP"-ს, „სითი-პარკის", „თელასის", „ყაზტრანსგაზ-თბილისისა" და „თბილისის მიკროავტობუსის" ხელმძღვანელების ანგარიშები და სამომავლო გეგმებზე იმსჯელა.
მომავალ პარასკევს კი თბილისის მთავრობა „თბილსერვის ჯგუფს" მოუსმენს.