თბილისში მიუსაფართა თავშესაფრის ასაშენებლად კომპანიებისთვის ელექტრონული ტენდერი გამოცხადდება. დედაქალაქის მერმა, დავით ნარმანიამ თბილისის მთავრობის სხდომაზე განაცხადა, რომ გასულ კვირას საქართველოს მთავრობის სხდომაზე დამტკიცდა მის მიერ წარდგენილი პროექტი, რომელიც თბილისში მიუსაფართა თავშესაფრის მშენებლობას ითვალისწინებს.
დედაქალაქის მერმა მოუწოდა კომპანიებს, მონაწილეობა მიიღონ ელექტრონულ ტენდერში და განაცხადები საპროექტო დოკუმენტაციის შესაბამისად წარადგინონ. ნარმანიას თქმით, მიუსაფართა საკითხზე მუნიციპალიტეტი იზრუნებს. კერძოდ, მერიაში, შეიქმნება კომისია, რომელში მონაწილეობაც დავით ნარმანიამ ცენტრალური უწყებების წარმომადგენლებსაც შესთავაზა. დედაქალაქის მერმა აღნიშნა, რომ მიუსაფართა საკითხს საქართველოს რეგიონული განვითარებისა და ინფრასტრუქტურის სამინისტროში შექმნილი კომისია კურირებდა.
მასალის გამოყენების პირობები
