თბილისის მერმა, დავით ნარმანიამ წყნეთის გზატკეცილზე სარეკრეაციო ზონის სტატუსის შესახებ განმარტება გააკეთა. მისი განმარტებით, გერმანიისა და საქართველოს საგარეო საქმეთა მინისტრების მიერ ხელმოწერილი შეთანხმების საფუძველზე ეკონომიკის სამინისტრომ აიღო ვალდებულება და ტერიტორია განაშენიანებისთვის გერმანულ სკოლას გადასცა, სადაც არსებული ინფორმაციით, თანამედროვე ევროპული სტილის სკოლა უნდა აშენდეს.
„შესაბამისად ჩვენთან შემოვიდა პროექტი და ეკონომიკის სამინისტროს მოთხოვნა, რომლის საფუძველზეც ჩვენ მოვამზადეთ საკითხი. იქ არის საცხოვრებელი ზონა და ამ ზონის გვერდით ტერიტორიაზე მიეცემა მათ მშენებლობის უფლება, რათა ორგანიზაციამ განახორციელოს ინვესტიცია და ააშენოს სკოლა, რომელზეც საგარეო საქმეთა მინისტრები შეთანხმდნენ", _ განაცხადა დავით ნარმანიამ.
რაც შეეხება სარეკრეაციო ზონის სტატუსს, თბილისის მერის განმარტებით, სტატუსის შეჩერება არ მომხდარა. „ზონის შეცვლა მოხდა იმისათვის რომ ეს ვალებულება შესრულდეს, თუმცა, ეს მწვანე საფარის გაჩეხვასთან დაკავშირებული არ არის", - განაცხადა თბილისის მერმა.