სრულიად საქართველოს საგვარეულო კავშირის ორგანიზებით, 24 სექტემბერს წმინდანად შერაცხული 300 არაგველის ხსენების დღე აღნიშნება.
აღნიშნულ დღესთან დაკავშირებით დაგეგმილი ღონისძიებები, კრწანისში წმინდა ნიკოლოზის ტაძარიდან დაიწყება და კრწანისის ველზე, 300 არაგველის მონუმენტთან გაგრძელდება.
ტაძარში დილიდან დაბრძანებული იქნება 300 არაგველის სახელობის ხატი, სადაც დილის 9 საათზე ჩატარდება ომში დაღუპოლთა სულის მოსახსენებელი წირვა ჩატარდება. შემდეგ კი, 300 არაგველის მონუმენტის მიმდებარე ტერიტორიაზე, გაიმართება 300 არაგველის ხსოვნისადმი მიძღვნილი ღონისძიება. წაკითხული იქნება თემატური ლექსები, 300 არაგველის ხსოვნისადმი მიძღვნილ ღონისძიებას მუსიკალურად გააფორმებენ ცნობილი ფოლკლორული ანსამბლები. ღონისძიებაში საზოაგდოების ცნობილი სახეები მიიღებენ მონაწილეობას.
კრწანისის ბრძოლა 1795 წლის 10 სექტემბერს (ძვ. სტილით) ქართლ-კახეთისა და სპარსეთის ლაშქარს შორის გაიმართა. აღა-მაჰმად-ხანის 35 ათასიან არმიას ქართლ-კახეთის მეფე ერეკლე მეორე ქართველთა 5 ათას კაციანი ლაშქრით შეებრძლოა. ომში გმირულად იბრძოდნენ ქართველები. ვახტანგ ბატონიშვილის რაზმის წევრები, რომლის შემადგენლობაში იყვნენ 300 არაგველი, ქიზიყელნი, თბილისელი მებრძოლები, მათ შორის მსახიობები, რომლებიც მაჩაბელას სიმღერით გამხნევებულნი, თავდაუზოგავი ბრძოლის შემდეგ სიმღერით შეხვდნენ სიკვდილს. სპარსელებმა თბილისი ჯერ გაძარცვეს, შემდეგ დაარბიეს და ცეცხლს მისცეს, მრავალი ათასი მცხოვრები ტყვედ წაიყვანეს.
მოსახლეობის დიდი ნაწილი შიმშილისა და გადამდები სნეულებისაგან დაიღუპა. ქართლის სოფლებს მოთარეშეთა რაზმები შეესივნენ. კრწანისის ბრძოლამ დიდი ზარალი მიაყენა აღმოსავლეთ საქართველოს.
