შიდა ქართლის ტელეკომპანია ,,დია" მთელმა გუნდმა საინფორმაციო სამსახურის უფროსმა, ჟურნალისტებმა, ოპერატორებმა, გადაცემების წამყვანებმა, განვითარების მენეჯერმა, მემონტაჟემ, ტექნიკურმა პერსონალმა დატოვა.
აღნიშნულის მიზეზი ის სამუშაო ხელშეკრულებები გახდა, რომელიც ტელევიზიის ხელმძღვანელმა მაია ტატულაშვილმა თანამშრომლებს წარუდგინა.კერძოდ, კონტრაქტის მიხედვით, ჟურნალისტს ეკრძალებოდა ტელეკომპანიის დატოვების შემდეგ სამი წლის განმავლობაში ყველა მის კონკურენტ მედიაში მუშაობა; ჟურნალისტი უნდა დამორჩილებოდა ხელმძღვანელის ნებას, იმ შემთხვევაშიც კი, თუ ის კანონსაწინააღმდეგო იყო და ა.შ.
ტელევიზიის ყოფილი თანამშრომლები აღნიშნული შეურაცხყოფისთვის ხელმძღვანელობისგან საჯაროდ ბოდიშის მოხდასა და კუთვნილ ანაზღაურებას ითხოვენ, წინააღმდეგ შემთხვევაში საკუთარ უფლებებს სასამართლოს გზით დაიცავენ.
ჟურნალისტები კონკრეტულ ეჭვებს გამოთქვამენ და ხელშეკრულებაში მოყვანილ პუნქტებს ტელევიზიის პოლიტიკურ ინტერესებს უკავშირებენ.
მასალის გამოყენების პირობები