ჟურნალისტმა მოჰამედ თორიევმა ჩეხეთის რესპუბლიკის დედაქალაქ პრაღაში არსებულ საქართველოს საელჩოსთან ერთკაციანი პიკეტი მოაწყო.
საელჩოს შენობის წინ მდგარ ჟურნალისტს ხელში პლაკატი ეჭირა წარწერით - „თავისუფლება საიხან მუზაევს". მოჰამედის თქმით, იგი ამგვარი აქციის მეშვეობით ცდილობს საქართველოს ხელისუფლების ყურადღება მიიქციოს საიხან მუზაევის ბედზე, რომელიც მთელი წელია საქართველოდან სასწავლებლად ინგლისში წასვლას ვერ ახერხებს. არადა, მას უკვე კოლეჯში სწავლის ფული უკვე გადახდილი აქვს, - იუწყება „ეხო კავკაზა".
როგორც მოგვიანებით თვითონ მოპიკეტემ განაცხადა, მასთან საელჩოს წარმომადგენლები მივიდნენ. მოჰამედ თორიევმა მათ პიკეტის მიზეზები აუხსნა და საქართველოს კონსულს ჰელსინკის კომიტეტის წერილი გადასცა, საიხან მუზაევთთნ დაკავშირებით.
საიხან მუზაევმა 13-ჯერ სცადა თბილისიდან ლონდონში გაფრენა, მაგრამ მას ხელს უშლიან ქვეყნიდან წასვლაში, თან ყოველგვარი ახსნა-განმარტების გარეშე. თუმცა, როგორც მოჰამედ თორიევი ამბობს, სეიხან მუზაევის არგაშვების ნამდვილი მიზეზი ისაა, რომ მან უარი თქვა 2012 წლის აგვისტოში მომხდარ ლაფანყურის მოვლენებში საქართველოს შს მინისტრის ყოფილი მოადგილე გიორგი ლორთქიფანიძე და ოფიცერი სანდრო ამირიძე დაედანაშაულებინა.
როგორც ცნობილია, საიხან მუზევმა მიმართა სასამართლოს, ომბუდსმენს, მისი საკითხზე საქართველოს პარლამენტში მოსმენებიც გაიმართა, მაგრამ მას დღემდე საქართველოდან გასვლა მაინც არ შეუძლია.