პრეზიდენტის მრჩევლის საგარეო ურთიერთობათა საკითხებში თენგიზ ფხალაძისთვის უცნობია რა რეალური მიზეზის გამოქვეყნებას ითხოვს საგარეო საქმეთა მინისტრი მაია ფანჯიკიძე პრეზიდენტის ადმინისტრაციისგან თუ რატომ ვერ მიდის აშშ-ში პრეზიდენტი მარგველაშვილი.
,,კითხეთ საგარეო საქმეთა მინისტრს, არ ვიცი, რას გულისხმობდა. ის ინფორმაცია, რომელიც ჩვენ გვქონდა, სრულად მოგაწოდეთ. გარდა ამისა, საქართველოს პრეზიდენტმაც თავად ძალიან ვრცლად ისაუბრა. თუ საგარეო საქმეთა მინისტრს აქვს დამატებით რაიმე სათქმელი, სიამოვნებით მოვუსმენთ", - აცხადებს ფხალაძემ.
შეგახსენებთ, რომ საგარეო საქმეთა მინისტრი პრეზიდენტის ადმინისტრაციისგან იმ რეალური მიზეზის გამოქვეყნებას ითხოვს რის გამოც პრეზიდენტი გიორგი მარგველაშვილი აშშ ვერ გაემგზავრა.
მისივე განმარტებით, საგარეო უწყებას პრეზიდენტის აშშ-ში ვიზიტზე არ უმუშავია, შესაბამისად ვერც ჩაშლიდა მას.
" რაც შეეხება ვიზიტის ჩაშლას საგარეო საქმეთა სამინისტროს არ უმუშავია ამ ვიზიტზე. ყველა წერილზე, რომელიც ადმინისტრაციამ მოიწერა ვიზიტის ვიზიტისა და შეხვედრების დაგეგმვის თხოვნით, მათ ეგზავნებოდათ პასუხი, რატომ არ იყო მიზანშეწონილი ამ ვიზიტის განხორციელება და შესაბამისად ამ შეხვედრების დაგეგმვა. საგარეო საქმეთა სამინისტრომ ვერ ჩაშლიდა იმას, რაზეც არ უმუშავია. თუკი პრეზიდენტის ადმინისტრაციას დოკუმენტების გასაჯაროვების გზით უნდა, ნათელი მოჰფინოს იმას, თუ რა ხდებოდა ბოლო რამდენიმე თვის განმავლობაში ამ ორ უწყებას შორის, მაშინ ძალიან ვთხოვ მათ, ვისაც ეს ეხება, გამოაქვეყნონ ის რეალური მიზეზი, რატომ ვერ მიდის პრეზიდენტი აშშ-ში. მე არ მინდა ამ თემაზე საუბარი სახელმწიფო ინტერესების გათვალისწინებით", - განაცხადა საგარეო საქმეთა მინისტრმა.
