საგარეო საქმეთა სამინიტროს მიმართ გამოთქმულ პრეტენზიასთან დაკავშირებით თუ რატომ არ იყო ინფორმირებული გაერო რომ საქართველოს პრეზიდენტი აღარ არის მიხეილ სააკაშვილი განმარტებას აკეთებს და დაინტერესებულ საზოგადოებას აწვდის ჯერ კიდევ 2013 წლის 25 ნოემბერს გაერო-ს გენერალური მდივნის მიერ გამოგზავნილ მისალოც წერილს პრეზიდენტ მარგველაშვილისადმი.
,,ასე რომ მოგიწოდებთ ნუ გახდით გაეროს სამდივნოს მონაცემთა ბაზის ტექნიკურ შეცდომას მორიგ სალაპარაკო თემად და კარგად გაეცანით დოკუმენტაციას", _ნათქვამია საგარეო უწყების მიერ გავრცელებულ განცხადებაში.
შეგახსენებთ, რომ საგარეო საქმეთა მინისტრი მაია ფანჯიკიძე გაეროში კლიმატის ცვლილებების სამიტზე პრეზიდენტ გიორგი მარგველაშვილის მიწვევის შესახებ განმარტებას აკეთებს და აცხადებს, რომ თავდაპირველად მოწვევა არა მარგველაშვილის, არამედ ყოფილი პრეზიდენტის მიხეილ სააკაშვილის სახელზე მიიღეს.
,,25 თებერვლით დათარიღებული მოწვევა მხოლოდ კლიმატის სამიტზე საქართველოს მისიამ 14 მარტს მიიღო და ეს მოწვევა მიხეილ სააკაშვილის სახელზე იყო. ესეც აჩვენებს იმას რამდენად ფორმალურია ეს მოწვევა. როდესაც მისიამ ინფორმაცია გაუგზავნა გაეროს იმის თაობაზე, რომ საქართველო პრეზიდენტი გიორგი მარგველაშვილი იყო, ამას კიდევ დასჭირდა რამდენიმე კვირა და 30 მაისს მიიღო საგარეო უწყებამ ახალი მოწვევა უკვე მარგველაშვილის სახელზე, რომელიც მას 5 ივნისს გადაეგზავნა. Aანუ სულ რამდენიმე დღეში", _განაცხადა ფანჯიკიძემ არაბთა გაერთიანებულ საიმიროებში სტუმრობისას.
