აჭარის ჯანდაცვის მინისტრი ნუგზარ სურმანიძე ბათუმის რეფერალური საავდმყოფოს დირექტორთან გიორგი გიორგაძესთან ერთად „თინაზთეფე"-ს საავადმყოფოს წარმომადგენლებს შეხვდა. „თინაზთეფე"-ს საავადმყოფო ქ. იზმირში მდებარეობს.
შეხვედრაზე ბათუმის რეფერალური საავდმყოფოს და „თინაზთეფე"-ს საავადმყოფოს შორის სამომავლო თანამშრომლობის საკითხები განიხილეს. აღნიშნული კლინიკები ერთობლივ საქმიანობას რამდენიმე წელია ახორციელებენ, ამჯერად ისინი ურთიერთგამოცდილების გაზიარებას ონკოლოგიის მიმართულებით გეგმავენ.
თურქული მხარის წარმომადგენლებმა მზადყოფნა გამოთქვეს, ხელი შეუწყონ ქართველი ექიმების მათ კლინიკაში გადამზადებას, კერძოდ ონკოლოგიის, ენდოკრინოლოგიის და ინტერვენციული მედიცინის მიმართულებით.
„თინაზთეფე"-ს საავადმყოფოს ურთიერთანამშრომლობის მემორანდუმი აქვს გაფორმებული ბათუმის შოთა რუსთაველის სახელმწიფო უნივერსიტეტთან, რაც ითვალისწინებს პროფესორ-მასწავლებლების, მკვლევარებისა და სტუდენტების გაცვლითი პროგრამების განხორციელებას, ერთობლივი სასწავლი-სამეცნიერო პროექტების შემუშავებასა და სპეციალისტების გადამზადებას.
მასალის გამოყენების პირობები
