პრემიერ-მინისტრი ირაკლი ღარიბაშვილი 133-ე საჯარო სკოლაში იმყოფებოდა და პედაგოგებსა და მოსწავლეებს ახალი სასწავლი წლის დაწყება მიულოცა.როგორც პრემიერმა სიტყვით გამოსვლისას განაცხადა განათლება არის ყველაზე მნიშვნელოვანი და მასწავლებლებს განსაკუთრებული მისია აკისრიათ.
,,პედაგოგებს გაქვთ განსაკუთრებული მისია, რადგან მოსწავლეები მთელი დღის მნიშვნელოვან ნაწილს ატარებენ სკოლაში და სწორედ ამიტომ, როგორც ვთქვი რამდენიმე დღის წინ მინდა გავიმეორო, რომ პედაგოგების როლი არის მნიშვნელოვანი ბავშვის აღზრდასა და ჩამოყალიბებაში. ამიტომ მინდა კიდევ ერთხელ დაგიდასტუროთ, რომ ჩვენ გავაკეთებთ ყველაფერს იმისთვის, რომ პედაგოგის პროფესია გახდეს დაფასებული და ღირსეული", _განაცხადა ღარიბაშვილმა.
პრემიერთან ერთად 133-ე საჯარო სკოლაში იმყოფებოდნენ, თბილისის მერი დავით ნარმანია, განათლებისა და მეცნიერების მინისტრი თამარ სანიკიძე და სანზონის მაჟორიტარ დეპუტატი ზაზა კოლელიშვილი.
