ჯონ კენედის სახელობის კოსმოსური ფრენების ცენტრმა მრავალჯერადი გამოყენების კოსმოსური ხომალდის „ორიონის" მონტაჟი დაასრულა. „ორიონის" აწყობას 3 წელი დასჭირდა.
„ნასა" გეგმავს, რომ მისი პირველი ტესტური გამოცდა დეკემბერში განახორციელოს. იგეგმება დედამიწის გარშემო ორჯერადი შემოფრენა 5800 კმ სიმაღლეზე, რაც 14-ჯერ მეტია საერთაშორისო კოსმოსური სადგურის განლაგების სიმაღლესთან შედარებით.
დედამიწაზე დაბრუნებისას, ატმოსფეროში შემოსვლისას, მისი სიჩქარე 32 ათასი კმ/სთ იქნება, ხოლო ტემპერატურა ზედაპირზე 2200 გრადუსი. გამოცდის მთავარი მიზანია ხომალდის დატესტვა ექსტერმალურ სიტუაციაში მდგრადობის მიზნით.
„ორიონის" პირველი საპილოტე გაშვება კი 2021 წელს მოხდება. იგეგმება „ორიონით" კოსმოსური სივრცის ათვისება, მათ შორის ეკიპაჟის მარსზე და ასტეროიდებზე გაგზავნა.