საქმიან კლუბ „Carrefour Dauphine"-ში საქართველოს შესახებ პრეზენტაცია გაიმართა. დამსწრე საზოგადოებისთვის საქართველოს შესახებ ვრცელი პრეზენტაცია გააკეთა საფრანგეთში საქართველოს ელჩმა ეკატერინე სირაძე-დელონემ. ელჩმა შეხვედრის მონაწილეებს მოკლედ გააცნო საქართველოს კულტურა, ისტორია და ისაუბრა ქვეყნის დღევანდელ პოლიტიკაზე, საქართველოს ეკონომიკურ მდგომარეობაზე, ქვეყანაში არსებულ საინვესტიციო გარემოსა და პრიორიტეტული დარგებზე. ელჩმა მონაწილეებს ასევე გააცნო ის გამოწვევები, რომლის წინაშეც დგას ქვეყანა.
„Carrefour Dauphine"-ში გამართულ შეხვედრას ესწრებოდა კლუბის 30-მდე წევრი, რომლებიც სხვადასხვა სფეროში მოღვაწეობენ და დაინტერესებულნი არიან საქართველოთი და ზოგადად სამხრეთ კავკასიის რეგიონით.
პრეზენტაციის შემდეგ გაიმართა აზრთა ურთიერთგაცვლა საქართველოში არსებული პოლიტიკური მდგომარეობის, რუსეთ-საქართველოს ურთიერთობის, ევროკავშირთან და ნატოსთან დაახლოებისა და ქვეყანაში საივესტიციო შესაძლებლობების ირგვლივ. შეხვედრის მონაწილეთა შორის გავრცელთა საქართველოს შეახებ საინფორმაციო დოკუმენტაცია.
მასალის გამოყენების პირობები