,,ნაცმოძრაობის" წევრი ლევან ბეჟაშვილი ქვეყანაში გაზრდილ კრიმინოგენულ ვითარებაზე საუბრობს და სიტუაციიდან გამოსავლად შს მინისტრის მისი მოადგილეებისა და კრიმინალთან ბრძოლის ერთიანი სამოქმედო გეგმის შემუშავებაში ხედავს.
,,ერთადერთ მნიშვნელოვან ნაბიჯად კრიმინალთან ბრძოლის საქმეში მიგვაჩნია არსებული სამინისტროს ხელმძღვანელობის მინისტრის გადადგომა, სისტემაში დაბრუნება ძველი, პროფესიონალი კადრების. ამასთან ერთად კრიმინალთან ბრძოლის ერთიანი სამოქმედო გეგმის შემუშავება, რომლის განხორციელება უახლოეს ეტაპზე დაიწყება", _განაცხადა ბეჟაშვილმა.
მისივე განმარტებით, კრიმინალმა მთელი საქართველო მოიცვა.
,,ყოველდღიურად ჩვენი საზოგადოება მოწმეა მკვლელობების, ქუჩური გარჩევების, ყაჩაღობების, ქურდობების და პრაქტიკულად, კრიმინალმა მთელი საქართველო მოიცვა. Aამ ფონზე ვხედავთ, რომ სამინისტროს ხელმძღვანელობა_მინისტრი, მისი მოადგილეები დაკავებული არიან იმით რომ ცდილობენ დანაშაულის სტატისტიკა შეალამაზონ, ან პოლიტიკური ბრალდებების საგნად გამოაცხადონ", _განაცხადა ბეჟაშვილმა.
