მთის პრობელემბეზე მომუშავე ხუთმა არასამთავრობომ - „ქალები მთის გადარჩენისთვის", „კავკასიის მთიანი რეგიონების გადარჩეის ასოციაცია", „მთები და ჯანმრთელობა", „საქართველოს განათლების ლიგა" და „ჯანსაღი სახელმწიფო" - კოალიცია „გადავარჩინოთ მთა" დააფუძნა. როგორც კოალიციის ერთ-ერთმა ხელმძღვანელმა, არასამთავრობო ორგანიზაცია ქალები მთის გადარჩენისთვის" თავმჯდომარემ, მარინა მოლოდინმა „ჯი-ეიჩ-ენ"-ს გაუცხადა, კოალიციის მიზანი მთაში შექმნილი მძიმე სიტუაციის გამოსწორებაა.
„მთის პრობლემებზე, როგორც ჩემთვისაა ცნობილი, პრემიერის ინიციატივით შექმნილი სახელმწიფო კომისიაც მუშაობს. თუ კომისია სურვილს გამოთქვამს, მზად ვართ, ჩვენმა კოალიციამ გარკკვეული კონსულტაცები გაუწიოს, მით უმეტეს, რომ ადამიანები, რომლებიც ამ კოალიციაში გავერთიანდით, წლებია, მთის პრობლეებზე ვმუშაობთ. ბევრ ჩვენგანი თავის დროზე მთის კანონის შემუშავებაშიც იღებდა მონაწილეობას," - აცხადებს მარინა მოლოდინი.
ამასთან, როგორც ყოფილი დეპუტატი აღიშნავს, ახლადშექმნილმა კოალიციამ მთის ახალ კანონზე მუშაობა უკვე დაიწყო. გარდა ამისა, „გადავარჩინოთ მთა" საქართველოს მთიანეთში არაერთი პროექტის განხორციელებას გეგმავს, რომელშიც სახელმწიფოს დახმარების იმედი აქვს.