საქართველოს საგარეო საქმეთა სამინისტროს, სლოვაკეთის რესპუბლიკაში საქართველოს საელჩოს და ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროების ორგანიზებით, 2014 წლის 4-14 სექტემბერს სლოვაკეთის რესპუბლიკის ბეშენოვას SPA -კურორტი „Gino Paradise" 2008 წლის აგვისტოს ომის შედეგად დაზარალებულ 12 დევნილ ბავშვს უმასპინძლებს.
პროექტის ფარგლებში ბავშვები დაისვენებენ სლოვაკეთის ცნობილ კურორტზე. მათ ასევე შეხვდებათ სლოვაკეთში საქართველოს საგანგებო და სრულუფლებიანი ელჩი ალექსანდრე ნალბანდოვი. აღნიშნული პროექტი ქართული წარმოშობის სლოვაკი ბიზნესმენის ნოდარ გიორგაძის მხარდაჭერით ტარდება.
აღსანიშნავია, რომ აღნიშნული ინიციატივის ფარგლებში დევნილ ბავშვებს უმასპინძლა ნორვეგიის სამეფოში საქართველოს საელჩომ.