რუსეთში იმპორტული კვების პროდუქტების დეფიციტი იქნება. ამის შესახებ რუსეთის ეკონომიკის მინისტრმა ალექსეი ულუკაევმა განაცხადა. მისივე თქმით, დეფიციტი მოკლევადიანი იქნება.
„ხორცი, ქათამი, თევზი, ხილი, ბოსტნეული, რძე და რიგი სხვა პროდუქტები - შესაძლოა, შემოდგომაზე მათი პრობლემა გვექნეს", - განაცხადა მინისტრმა.
მან ასევე აღნიშნა, რომ ემბარგოს პირობებში ახალი მწარმოებლებისგან პროდუქტების მიღებამდე იქნება შეფერხებები, მაგრამ ის მალე დაიძლევა.
მან ასევე აღნიშნა, რომ შეფერხებები შეიძლება გამოიწვიოს პროდუქტების სანიტარულმა შემოწმებამ, რათა ქსელში არ მოხვდეს ცუდი პროდუქცია.
