ევექსის სასწავლო ცენტრმა საკონსულტაციო პროექტში Netherlands Senior Experts გაიმარჯვა, რომელიც ჰოლანდიური საერთაშორისო ორგანიზაცია PUM-ის ეგიდით ხორციელდება. პროექტი ითვალისწინებს საერთაშორისო ექსპერტის ვიზიტს განვითარებად ქვეყნებში არსებულ ორგანიზაციებში დახმარებისა და კონსულტირების მიზნით.
აღნიშნული პროექტის ფარგლებში ევექსის სასწავლო ცენტრში დაინერგება უახლესი დასავლური სტანდარტები ტრენინგებისა და სერტიფიცირების მიმართულებით, პროტოკოლებისა და პროცედურების შემუშავებისა და დიპლომის შემდგომი სწავლების კუთხით. ასევე პროექტი ცენტრს მისცემს შესაძლებლობას მოახდინოს საერთაშორისო ბაზარზე ეფექტური პოზიციონირება და საქართველოში მოიწვიოს მაღალი დონის სამედიცინო ექსპერტები.
ორგანიზაცია PUM (https://www.pum.nl/ ) 35 წელია წარმატებით მოღვაწეობს აღნიშნული მიმართულებით მსოფლიოს 31 ქვეყანაში და კონსულტირებას აწარმოებს 17 სექტორში 60-მდე მიმართულებით.
