საქართველოს პრემიერ-მინისტრის ოფიციალური ვიზიტი სომხეთში დასრულდა. ირაკლი ღარიბაშვილი სომხეთის ზვარტნოცის აეროპორტში სომეხმა კოლეგამ გააცილა.
ჰოვიკ აბრაჰამიანმა საქართველოს მთავრობის მეთაურს სტუმრობისთვის მადლობა კიდევ ერთხელ გადაუხადა.
საქართველოს პრემიერ-მინისტრმა ოფიციალური ვიზიტი შეაჯამა და აღნიშნა, რომ ეს ორი ქვეყნის მეგობრულ ურთერთობებზე მიუთითებს.
„დღევანდელი ვიზიტი არის იმის დადასტურება, რომ სომხეთი არის არა მხოლოდ ჩვენი მეზობელი, არამედ მეგობარი ქვეყანა და ყველაფერი უნდა გავაკეთოთ არსებული ურთიერთობების გასაღრმავებლად. ჩვენ პოზიტიური დინამიკა გვაქვს სომხეთთან ურთიერთობებში ყველა მიმართულებით", - აღნიშნა ირაკლი ღარიბაშვილმა.
საქართველოს დელეგაცია პრემიერ-მინისტრ ირაკლი ღარიბაშვილის ხელმძღვანელობით სომხეთს 21 აგვისტოს ეწვია. დელეგაციაში ასევე შედიოდნენ - ეკონომიკის მინისტრი, ვიცე-პრემიერი გიორგი კვირიკაშვილი, ენერგეტიკის მინისტრი, ვიცე-პრემიერი კახა კალაძე, საგარეო საქმეთა მინისტრი მაია ფანჯიკიძე, ასევე პარლამენტის წევრი რუსლან პოღოსიანი და მთავრობის ადმინისტრაციის უფროსის მოადგილე ნინო კობახიძე.
