დღეს, 22 აგვისტოს, დედაქალაქის მთავრობა კომპანია „სითი - პარკის" საქმიანობის ანგარიშს მოისმენს. შესაბამისი განცხადება თბილისის მერმა დავით ნარმანიამ ჟურნალისტებთან 20 აგვისტოს მთავრობის დღევანდელი სხდომის დასრულების შემდეგ გააკეთა.
დავით ნარმანიას თქმით, კომპანია „სითი - პარკის" ხელმძღვანელობასთან ქალაქის მთავრობას კონკრეტული შეკითხვები აქვს.
„ჩვენ ვემზადებით პარასკევის მოსმენისთვის, რათა კომპანია „სითი პარკს" დავუსვათ ის კონკრეტული კითხვები, რაც საზოგადოებას და ჩვენ გაგვაჩნია. შეხვედრაზე კომპანიის მიერ აღებული ვალდებულებების შესრულებასთან, ხელშეკრულების მიმდინარეობასთან და სამომავლო გეგმების შესახებ ინფორმაციას მოვისმენთ" - განაცხადა დავით ნარმანიამ.
კომპანია „სითი - პარკთან" გაფორმებული ხელშეკრულების თაობაზე ინფორმაცია თბილისის მთავრობის დღევანდელ სხდომაზე მოისმინეს.