„სამედიცინო კორპორაცია ევექსის" ქსელში არსებული ბათუმის რეფერალური საავადმყოფო ადგილობრივ მოსახლეობას ხვალიდან ერთი კვირის განმავლობაში სკრინინგ დიაბეტის უფასო გამოკვლევებს ჩაუტარებს.
გამოკვლევები სისხლში შაქრის განსაზღვრას და დიაბეტის დროულად აღმოჩენას გულისხმობს. აქციას დაესწრება აჭარის ჯანდაცვის მინისტრი ნუგზარ სურმანიძე და სამინისტროს წარმომადგენლები.
აღსანიშნავია, რომ ბათუმის რეფერალური საავადმყოფო სკრინინგის ჩატარებას წმინდა მატატა წამებულის სახელობის ბავშვთა სახლშიც გეგმავს. გამოკვლევები 200-მდე აღსაზრდელს ჩაუტარდება.
