„ჩინური კომპანია „სინოჰიდრო" ქობულეთის რაიონის სოფელ ხუცუბანში, კანონის სრული დარღვევით, „დასაშვებ სიღრმეზე ქვემოდან" ე.წ. ბალასტის მოპოვებას ისევ აგრძელებს. ვინაიდან გარემოს დაცვის სამსახური უსუსურია, ან ჩინელებთანაა შეკრული და ამ უკანონობის წინააღმდეგ ხმას არ იღებს, მე და ჩემმა მეგობრებმა გადავწყვიტეთ, არსებული მდგომარეობა გამოვასწოროთ. ამიტომ, დღეს ხუცუბანში ჩავალთ და შევეცდებით, ზემოხსენებული სამუშაოები შევაჩეროთ. ჩინელები, ალბათ, პოლიციას გამოიძახებენ და, შეიძლება, დამაკავონ კიდეც," - განუცხადა „ჯი-ეიჩ-ენ"-ს უფლებადამცველმა მერაბ ბლადაძემ.
შეგახსენებთ: ქობულეთში, ჭაინათის ტერიტორიაზე ცენტრალური მაგისტრალისთვის ე.წ. ბალასტის მოპოვება ხდება, თუმცა როგორც ბლადაძე განმარტავს, ბალასტს 5 მეტრის ნაცვლად, 10-15 მეტრის სიღრმიდან იღებენ.
„ყველას, ვინც ამ უკანონობას აპროტესტებს, პოლიციაში იბარებენ. გარემოს დაცვის ინსპექციის მიერ გამოწერილი ჯარმები კი, ისეთ დაბალია, რომ ჩინელები ჯარიმას სიამოვნეით იხიდან," _ განუცხადა ერთი კვირის წინ "ჯი-ეჩ-ენს" მერაბ ბლადაძემ.
მისივე თქმით, ქობულეთში გარემოს ხარჯზე ფული თეთრდება, რასაც კლიმატის შეცვლა მოჰყვა და ყველაფერ ამით, საბოლოო ჯამში, გლეხი იზარალებს _ მიწა გამოუსადეგარი გახდება და ციტრუსი აღარ იხარებს," _ აცხადებს ბლადაძე.
უფლებადამცველის თქმით, არასამთავრობო ორგანიზაცია "21 საუკუნე _ საქართველოს მომავალი" აღნიშნული პრობლემის მონიტორინგს იწყებს, მით უმეტეს, რომ ეკოლოგების ინფორმაციით, ქობულეთის სასმელი წყალი ჯანმრთელობისთვის უკვე საშიშია.