სომხეთის რესპუბლიკის ახლადდანიშნულმა ელჩმა, იური ვარდანიანმა რწმუნებათა სიგელების ასლი გადასცა საქართველოს საგარეო საქმეთა მინისტრს მაია ფანჯიკიძეს.
რწმუნებათა სიგელების ასლის გადაცემის შემდეგ, გამართულ შეხვედრაზე, განხილულ იქნა საქართველო-სომხეთის თანამშრომლობის აქტუალური საკითხები, ასევე 2014 წლის 21-22 აგვისტოს, სომხეთის რესპუბლიკაში საქართველოს პრემიერ-მინისტრის ირაკლი ღარიბაშვილის დაგეგმილი ვიზიტის მოსამზადებელი სამუშაოების მიმდინარეობა.
სომხეთის რესპუბლიკის ელჩმა გამოხატა მზადყოფნა საქართველოსა და სომხეთის რესპუბლიკას შორის არსებული კეთილმეზობლური თანამშრომლობის ხელშეწყობასა და შემდგომ გაღრმავებაზე.
შეხვედრის დასასრულს, საგარეო საქმეთა მინისტრმა სომხეთის რესპუბლიკის ელჩს უსურვა წარმატებები მომავალ საქმიანობაში
