საქართველოს ყოფილი პრეზიდენტის მიხეილ სააკაშვილის ნივთებს მთავრობის კანცელარიაში აგზავნიან. სააკაშვილის საცხოვრებელი სახლიდან ტანსაცმლის ნაწილი უკვე გაიტანეს.
საუბარია პრეზიდენტის ქაშმირის პალტოსა და 7 პიჯაკზე, რომელიც მთავარი პროკურატურის ინფორმაციით, მიხეილ სააკაშვილმა ბიუჯეტის ხარჯზე შეიძინა.
გარდა პირადი ნივებისა, მიხეილ სააკაშვილმა ბიძინა ივანიშვილის სახელზე გააგზავნა წერილი, რომელშიც წერია „გიბრუნებთ თქვენი გადაწყვეტილებისამებრ გამოყენებისათვის". წერილის ადრესატი ბიძინა ივანიშვილია.
მიხეილ სააკშვილმა აღნიშნული გადაწყვეტილება მას შემდეგ მიიღო, რაც ყოფილ პრეზიდენტს ბიუჯეტის ხარჯზე პირადი ნივთების შეძენისთვის ბრალი დაუმძიმეს.
აღსანიშნავია, რომ პრეზიდენტის ნივთები სახელმწიფო კანცელარიის საშვთა ბიურომ არ ჩაიბარა, რადგანაც მათი ინფორმაციით მათ მხოლოდ კორესპონდენციის ჩაბარების უფლება აქვთ.