ტემპერატურა დღეს პიკს მიაღწევს. საქართველოს თითქმის ყველა რეგიონში სიცხე 40 გრადუსს გადააჭარბებს. ყველაზე მაღალი ტემპერატურა იქნება კახეთში. სინოპტიკოსები აქ 42 გრადუსს ვარაუდობენ.
მეტეოროლოგები აცხადებენ, რომ 19 აგვისტო იქნება ყველაზე ცხელი დღე მთელი ზაფხულის განმავლობაში, მაგრამ მაღალი ტემპერატურა კვირის ბოლომდე შენარჩუნდება.
სპეციალურ რეჟიმში მუშაობს საგანგებო სიტუაციების სამსახური და სასწრაფო სამედიცინო დახმარება. მედიკოსები მოსახლეობას ურჩევენ - არ გავიდნენ სახლიდან და მიიღონ ბევრი სითხე.
