კახა თარგამაძეს საქართველოს მოქალაქეობაზე უარი ეთქვა. საქართველოს პრეზიდენტის ადმინისტრაციის ინფორმაციით, კახა თარგამაძეს უარი ეთქვა საგამონაკლისო წესით მოქალაქეობის მინიჭებაზე. შესაბამის განკარგულებას საქართველოს პრეზიდენტმა დღეს მოაწერა ხელი.
"საქართველოს კონსტიტუციის მე-12 მუხლის მე-2 პუნქტისა და „საქართველოს მოქალაქეობის შესახებ" საქართველოს ორგანული კანონის 25-ე მუხლის პირველი პუნქტის შესაბამისად, უარი ეთქვას საქართველოს მოქალაქეობის მინიჭებაზე კახა თარგამაძეს, რუსეთის ფედერაციის მოქალაქეს, დაბადებულს 1955 წლის 30 ნოემბერს საქართველოში", - წერია განკარგულებაში.
