ინფორმაციის თავისუფლების განვითარების მისიის (IDFI) ინფორმაციით, 2013 წლის 1-ელი იანვრიდან 2014 წლის 8 ივლისამდე საქართველოს ყოფილი და მოქმედი პრემიერ-მინისტრების: ბიძინა ივანიშვილისა და ირაკლი ღარიბაშვილის სამივლინებო ხარჯებმა 155 825 ლარი შეადგინა.
ორგანიზაციის ინფორმაციით, ბიძინა ივანიშვილის სამივლინებო ხარჯები 19 613 ლარი (დღიური 6 899 ლარი, სასტუმრო 12 714 ლარი), ხოლო ირაკლი ღარიბაშვილის 136 212 ლარი (დღიური - 14 886 ლარი, სასტუმრო 98 004 ლარი, გზა 23 332 ლარი) იყო.
ბიძინა ივანიშვილის ყველაზე ძვირადღირებული ვიზიტი განხორციელდა საფრანგეთში - 7 758 ლარი, ხოლო ირაკლი ღარიბაშვილის ამერიკის შეერთებულ შტატებში - 43 817 ლარი.
