,სარეაბილიტაციო საშუალებათა განვითარების ცენტრმა" და ,,სოციალური დაცვის ლიგამ" „საქართველოს ბანკის" თანადგომითა და ,,სიცოცხლის ხის" დაფინანსებით, პროექტი: ,,შშმ ბავშვების სოციალური ინტეგრაცია შეზღუდვების გარეშე - ადაპტირებული საქანელა ეტლით მოსარგებლე ბავშვებისათვის" განახორციელა.
პროექტი მიზნად ისახავდა საზოგადოებაში ეტლით მოსარგებლე შშმ ბავშვთა სოციალური ინტეგრაციას, ადაპტაციის გაძლიერებასა და საზოგადოებრივი თავშეყრის შერჩეულ ადგილებში ადაპტირებული გასართობი საშუალებების დამონტაჟებასა და მათ პოპულარიზაციას.
შშმ ბავშვთა მშობლების ინიციატივით, ეტლით მოსარგებლე შშმ ბავშვებისათვის ამიერკავკასიაში პირველად, უნიკალური, ადაპტირებული საქანელა სახელად ,,დათუნია" შეიქმნა.ქართული წარმოების ადაპტირებული შვიდი საქანელა, ბათუმში, ურეკსა და ქუთაისში დამონტაჟდა. აღნიშნულ საქანელებს ცერებრული დამბლით დაავადებული ბავშვებისთვის მოძრაობის კოორდინაციის ტრენირებისთვის სამკურნალო-პროფილაქტიკური დანიშნულებაც აქვს.
დღეს სასტუმრო „თბილისი-მარიოტში" პროექტის შედეგების პრეზენტაცია გაიმართა.ღონისძიებას თბილისის მერის მოადგილე ალუდა გოგლიჩიძე, საკრებულოს, საერთაშორისო და დონორი ორგანიზაციების წარმოამადგენლები დაესწრნენ.
