ქალთა საინფორმაციო ცენტრმა პროექტ "გენდერული სამართლიანობა ქალთა პოლიტიკური თანამონაწილეობის გაძლიერების გზით" ფარგლებში, საკონსულტაციო შეხვედრა „გენდერული თანასწორობის უზრუნველყოფის ინსტიტუციური მექანიზმი ადგილობრივი თვითმმართველობის დონეზე" გამართა.
შეხვედრა გენდერული თანასწორობის ინსტიტუციური მექანიზმის არსებულ მდგომაროებასა და ინსტიტუციური მექანიზმის დახვეწის გზებს შეეხო. მონაწილეებმა ადგილობრივი თვითმმართველობისა და ეროვნულ დონეზე საჭირო ცვლილებები, არსებულ მიღწევები,გამოწვევები და პრობლემები განიხილეს.
ქალთა საინფორმაციო ცენტრის რეკომენდაციით, 2013 წლიდან სახელმწიფო უწყებებში გენდერის მრჩევლების დანიშვნა მოხდა. პროცესი 2014 წელსაც გრძელდება. შეხვედრის მონაწილეებმა მრჩევლის მოვალეობებსა და აღნიშნული პოზიციის მნიშვნელობაზეც ისაუბრეს.
შეხვედრაზე ასევე წარმოდგენილი იყო აღნიშნული პროექტის ფარგლებში ჩატარებული კვლევის შედეგები. კვლევა საქართველოს კანონმდებლობის თითქმის ყველა ძირითადი აქტის ანალიზს მოიცავდა, განსაკუთრებული ყურადღება კი გენდერული თანასწოროების შესახებ კანონისა და ადგილობრივი თვითმმართველობის შესახებ კოდექსში შესატან ცვლილებებზე და რეკომენდაციებზე იყო გამახვილებული.
შეხვედრას თბილისის მერის მოადგილე ნინა ხატისკაცი დაესწრო.
