სასტუმრო "თბილისი მარიოტში" ფესტივალ "ვერანდა 2014"-ის პრეზენტაცია გაიმართა. როგორც ღონისძიების ორგანიზატორმა გიორგი ბროძელმა პრეზენტაციაზე განაცხადა, სარეკლამო კომპანია "მაქსპროს" ეგიდით, ტურიზმის ეროვნული ადმინისტრაციის მხარდაჭერით ჩამოყალიბდა ყოველწიური ფესტივალი - "ვერანდა 2014".
ბროძელმა აღნიშნა, რომ კონკურსის ფარგლებში თბილისის ფარგლებში გამოვლინდება საუკეთესო კომერციული და ასევე არაკომერციული ვერანდები.
"პირველ რიგში ვერანდებს აფასებს კომპეტენტური ჟიური, რომელიც დაკომპლექტებულია როგორც საზოგადოებისთვის ცნობილი სახეებით, ასევე თავიანთი სფეროში გამოცდილი პროფესიონალებისგან. შეფასების მეორე ეტაპია
სოციალური კვლევა დიდ ორგანიზაციებში დასაქმებულ 18-55 წლამდე ასაკის პირებში. სოციალური კვლევისა და ჟიურის ქულები დაჯამდება პროპორციით 50/50-ზე და გამოვლინდება გამარჯვებული", - განაცხადა გიორგი ბროძელმა
მისივე თქმით, რაც შეეხება არაკომერციულ ვერანდებს, მათ გადაარჩევს ჟიური ფინალური ტურისთვის. საუკეთესო ვერანდების ფოტოები გამოიფინება საფინალო საღამოზე და გამოვლინდება გამარჯვებული.
„ვერანდები შეფასდება შვიდი სხვადასხვა კრიტერიუმით: ხედი, სერვისი, სამზარეულო, ინტერიერი, გამწვანება, არქიტექტურა, გარემო. სულ კონკურსის ფარგლებში 10 ნომინაცია იქნება.
პროექტის გამარჯვებული 12 სექტემბერს გამოვლინდება „ - განაცხადა „ვერანდების ფესტივალის იდეის ავტორმა.