12 აგვისტოს, 11 საათზე, „თბილისი მარიოტში" გაიმართება ვერანდა 2014 - ის პრეზენტაცია და ზოგადი ინფორმაციის გაცნობა, ასევე მედიისთვის პრესკონფერენციას გამართავენ პროექტის ორგანიზატორები და ჟიურის წევრები.

სარეკლამო კომპანია Max Prom - ის ეგიდით, თბილისის მერიის, ტურიზმის ეროვნული ადმინისტრაციისა და საქართველოს სპორტისა და ახალგაზრდობის სამინისტროს მხარდაჭერით ჩამოყალიბდა ყოველწლიური ვერანდების ფესტივალი "ვერანდა 2014" (გვერდი ფეისბუკზე https://www.facebook.com/veranda2014  ) .

კონკურსის ფარგლებში შეფასდება როგორც კომერციული, ასევე არაკომერციული ვერანდები თბილისში. "ვერანდა 2014" მიზნად ისახავს ვერანდების პოპულარიზაციას ბიზნეს სფეროში და ასევე თბილისის მაცხოვრებლების წახალისებას ქალაქში ლამაზი ფასადების შექმნისთვის.

კომერციული ვერანდების შეფასება გაყოფილია 2 ძირითად ნაწილად: პირველ რიგში ვერანდებს აფასებს კომპეტენტური ჟიური დაკომპლექტებულია როგორც საზოგადოებისთვის ცნობილი სახეებით, ასევე თავიანთ სფეროში გამოცდილი პირებისგან. შეფასების მეორე ეტაპია სოციალური კვლევა დიდ ორგანიზაციებში დასაქმებულ 18-55 წლამდე ასაკის პირებში. სოციალური კვლევისა და ჟიურის ქულები დაჯამდება პროპორციით 50%/50%-ზე და გამოვლინდება გამარჯვებული.

რაც შეეხება კერძო, არაკომერციულ ვერანდებს მათ გადაარჩევს ჟიური ფინალური ტურისთვის. საუკეთესო ვერანდების ფოტოები გამოიფინება საფინალო საღამოზე და გამოვლინდება გამარჯვებული.

ვერანდები შეფასდება 7 სხვადასხვა კრიტერიუმით, ხედი, სერვისი, სამზარეულო, ინტერიერი, გამწვანება, არქიტექტურა, და გარემო. სულ კონკურსის ფარგლებში იქნება 10 ნომინაცია:

1. საუკეთესო ხედი
2. საუკეთესო სერვისი
3. საუკეთესო გარემო
4. საუკეთესო არქიტექტურა
5. საუკეთესო ინტერიერი
6. საუკეთესო სამზარეულო
7. ხალხის რჩეული (სოციალური ქსელით)
8. საუკეთესო გამწვანება
9. საუკეთესო არაკომერციული ვერანდა
10. ვერანდა 2014 - პირველი ადგილი

ეს ფესტივალი კიდევ ერთი წინ გადადგმუილ ნაბიჯია, რათა ჩვენ ქვეყანაში შეიქმნას თავისუფალი, მიუკერძოებელი და სიახლეებისთვის გახსნილი ბაზარი და საზოგადოება.