8, 9 და 10 აგვისტოს სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ალექსი პეტრიაშვილი და ნატოსა და ევროკავშირის შესახებ საინფორმაციო ცენტრის დირექტორი, ელენე გოცაძე სამუშაო ვიზიტით, სვანეთს ესტუმრებიან. როგორც მესტიის მუნიციპალიტეტის გამგეობაში აცხადებენ, მინისტრი მოინახულებს და პატივს მიაგებს 2008 წლის 8 აგვისტოს ომში დაღუპულ ჯარისკაცთა საფლავებს და შეხვდება მათი ოჯახის წევრებს. მუნიციპალიტეტის თანამშრომლებთან და ადგილობრივ მოსახლეობასთან გაიმართება საინფორმაციო შეხვედრები ნატო-საქართველოს, ევროკავშირი-საქართველოს ურთიერთობებზე და მომავალ პერსპექტივებზე, ასოცირების ხელშეკრულებასა და მასში შემავალ ყოვლისმომცველ სავაჭრო სივრცის შესახებ შეთანხმებაზე. დამსწრე საზოგადოებას დაურიგდება ნატოსა და ევროკავშირის შესახებ ლიტერატურა და შესაძლებლობა ექნება, სახელმწიფო მინისტრსა და ცენტრის დირექტორს დაუსვას კითხვები. შეხვედრას ასევე დაესწრებიან საზოგადოებასთან ურთიერთობის დეპარტამენტის უფროსი, ხათუნა საღინაძე, საინფორმაციო ცენტრის დირექტორის მოადგილე, თამარ მედულაშვილი და მთავარი სპეციალისტი, ნინო მაღრაძე-ჯანჯღავა